 Ռեալի գլխավոր մարզիչ Ժոզե Մոուրինյոն հայտարարել է, որ արդյունավետ ոչ-ոքին ևս դրական արդյունք կլինի Մոսկվայի ԲԿՄԱ-ի հետ խաղում:
«Մեր նպատակն է դրական արդյունքի հասնել Մոսկվայում: Իսկ այդպիսին կարող է լինել կամ հաղթանակը, կամ արդյունավետ ոչ-ոքին: Կարևորը` վստահ դուրս գալ ¼ եզրափակիչ», - հայտարարել է Մոուրինյոն այսօր Մոսկվայում կայացած մամուլի ասուլիսի ժամանակ:
«Ինչ վերաբերում է պայմաններին, ապա մենք պետք է ընտելանանք, ավելի ուժեղ լինենք: Իհարկե տարբերությունը մեծ է +10 և -10 ջերմաստիճանների միջև: Այո, արհեստական խոտածածկը ևս անսովոր է մեզ համար: Բայց մենք պետք է հենց նման պայմաններում ապացուցենք մեր ուժը», - ընդգծել է պորտուգալացին:
| 
