Ժոզե Մոուրինյոն միացել է «Ռեալ Մադրիդին» «Ինտերի» հետ Չեմպիոնների Լիգայի գավաթակիր դառնալուց մեկ շաբաթ անց: Միլանյան ակումբը չէր հաղթել այդ տիտղոսը շուրջ 45 տարի, և ահա պորտուգալացի մարզչի գլխավորությամբ կարողացավ նվաճել Չեմպիոնների Լիգայի գավաթը, հաղթել Իտալիայի առաջնությունում ու նվաճել Իտալիայի գավաթը 2009/2010 մրցաշրջանում, որը պատմական էր ու ռեկորդային իտալական ակումբի համար: Մոուրինյոն «Ինտերի» հետ առաջին տարում նաև հաղթել է «Սկուդետոն» ու Իտալիայի սուպերգավաթը:

Ավելի վաղ, իր կարիերայի՝ «Չելսին» մարզելու երեք տարիների ընթացքում Մոուրինյոյին հաջողվել է 6 մրցանակ ավելացնել անգլիական թիմի պահոցում: «Սթեմֆորդ Բրիջում», իր առաջին տարվա ընթացքում  Մոուրինյոն կարողացել է թիմի հետ նվաճել Պրեմիեր Լիգայի հաղթողի կոչումն ու Carling Cup-ը: «Չելսին» Պրեմիեր Լիգայում հաղթեց նաև հաջորդ տարի, այդ ժամանակ ընթանում էր անզիջում պայքար «Մանչեսթեր Յունայթեդի» ու Մոուրինյոյի նախկին ակումբի միջև, սակայն, այնուամենայնիվ, Մոուրինյոյի թիմին հաջողվեց հաղթել Անգլիայի առաջնությունում: Մոուրինյոն առաջնորդեց «Չելսիին»՝ հաղթելու FA Cup-ը և Carling Cup-ը 2006/2007 թվականների մրցաշարում: 

Իսկ ահա իր կարիերայի առաջին փուլում, նախքան Անգլիա մեկնելը Մոուրինյոն գլխավորելով «Պորտուն»՝ հաղթեց թիմի՝ Չեմպիոնների Լիգայի երկրորդ գավաթը 2004 թվականին, ինչպես նաև՝ Պորտուգալիայի գավաթը (չորս տարվա ընթացքում սա «Պորտուի» առաջին նվաճումն էր): Պորտուգալական թիմի ղեկին նա նաև հաղթել է մեկ ՈւԵՖԱ-ի գավաթ, մեկ՝ Պորտուգալիայի առաջնության և մեկ հատ էլ՝ Պորտուգալիայի սուպերգավաթ:

ԱԿՈՒՄԲԱՅԻՆ ՆՎԱՃՈՒՄՆԵՐ

• Չեմպիոնների Լիգա: 2004 (Պորտու), 2010 (Ինտեր)
• ՈւԵՖԱ-ի գավաթ: 2003
• Իտալիայի առաջնություն: 2008/2009, 2009/2010
• Պրեմիեր Լիգա: 2004/2005, 2005/2006
• Պորտուգալիայի առաջնություն: 2002/2003, 2003/2004
• Իտալիայի գավաթ: 2009/2010
• FA Cup: 2006/2007
• Carling Cup: 2004/2005, 2006/2007
• Պորտուգալիայի գավաթ: 2002/2003
• Իտալիայի սուպերգավաթ: 2008
• Community Shield: 2005
• Պորտուգալիայի սուպերգավաթ: 2003

ԱՆՀԱՏԱԿԱՆ ՆՎԱՃՈՒՄՆԵՐ

• ՖԻՖԱ. Տարվա լավագույն մարզիչ: 2010
• IFFHS-ի վարկածով լավագույն մարզիչ: 2004, 2005, 2010
• ՈւԵՖԱ. Լավագույն մարզիչ: 2002/03, 2003/04 
• LMA. Hall of Fame: Նշանակվել է 2010-ին
• Իտալիայի առաջնության լավագույն մարզիչ: 2009
• Պրեմիեր Լիգայի լավագույն մարզիչ: 2004/05, 2005/06
• Պորտուգալիայի առաջնության լավագույն մարզիչ: 2002/03, 2003/04